Нұр-Сұлтан, BAQ.KZ тілшісі. Бұл туралы Ішкі істер министрлігінің дәстүрлі брифингінде ҚР ІІМ Әкімшілік полиция комитеті төрағасының орынбасары Алексей Милюк айтты.
Оның айтуынша, тұрмыстық зорлық-зомбылықтың ерекшелігі - оның жасырын сипатында болуы.Биылғы 6 айдың қорытындысы бойынша қабылданған шаралардың нәтижесінде отбасылық-тұрмыстық құқық бұзушылықтардың 8%-ға (502-ден 462-ге дейін) төмендегені байқалады. Жалпы қылмыстық құрылымда отбасылық-тұрмыстық құқық бұзушылықтардың үлесі жоғары емес және бар болғаны 0,7%-ды құрайды, - деді Милюк.
Ол атағандай, тұрмыстық зорлық-зомбылыққа қарсы күрестің күштік әдістерін белсенді қолдану отбасылық қатынастардағы шиеленіс деңгейін арттыруға және соның салдарынан елдегі ажырасудың жоғары деңгейінің өсуіне ықпал етеді.Әркім отбасындағы жағдайды сыртқа шығарғысы келмейді, отбасылық тиранның озбырлығынан қорғану үшін полицияға барғысы келмейді. Мұндай қылмыстар көбінесе әлеуметтік-экономикалық проблемалар негізінде алкогольді жүйелі түрде пайдалану нәтижесінде жасалады. Мысалы, тұрмыстық құқық бұзушылықтардың жартысын адам мас күйінде жасайды, ал ұсталғандардың 80%-ында тұрақты жұмыс орны жоқ, - деді Әкімшілік полиция комитеті төрағасының орынбасары.
