Түркістан облысында «Таза Қазақстан» экологиялық бастамасы аясында қоғамдық сананы арттыруға бағытталған бірқатар іс-шаралар өтті, деп хабарлайды BAQ.KZ.
Шараны Түркістан облысы қоғамдық даму басқармасына қарасты «Жастар ресурстық орталығы» мекемесі жүзеге асырды. Оған 100-ге жуық жас пен еріктілер қатысты.
Қоғамдық орындарда экологиялық сауалнама жүргізіліп, ақпараттық парақшалар таратылды. Қатысушылар «Біз таза қаланы қолдаймыз!», «#TazaQazaqstan2025 – сен де қосыл!» сынды ұрандарды қолдап, қоршаған ортаны таза ұстаудың маңыздылығын насихаттады.
Іс-шара барысында тұрғындармен сұхбат жүргізіліп, экологиялық мәдениетті қалыптастыруға бағытталған ақпараттар берілді.
«Жібек жолы» саябағында өткен бұл шараға қатысушылар аумақты күл-қоқыстан тазартып, табиғатты қорғау мәдениетін насихаттады.
Сонымен қатар, жастардың ұйымшылдығын арттыру мақсатында тимбилдинг форматында жаттығулар мен ойындар өткізілді.
