АҚШ президенті Дональд Трамп Қытайдан әкелінетін тауарларға салынатын кедендік баж салығы төмендетілетінін айтты, деп хабарлайды BAQ.KZ The Washington Post-қа сілтеме жасап.
145% – бұл өте жоғары, мөлшерлеме дәл сондай болмайды, - деді Трамп.
Оның айтуынша, баж салығы "айтарлықтай төмендейді", бірақ нөлге жетпейді.
Сондай-ақ ол Қытайға "өте ілтипатты" қарайтынын және Пекинмен қатал ойнамайтынын жеткізді.
Еске салайық, АҚШ Қытай тауарларына қатысты тарифтерді ақпан айында енгізе бастаған. Ал сәуірдің ортасына қарай америкалық баж салығы 145%-ға жетті. Бұған жауап ретінде Пекин АҚШ өнімдеріне салынатын салықты 125%-ға дейін көтеріп, кейбір пайдалы қазбалардың экспортын шектеді. Сол кезде Ақ үй Қытайға 245%-дық баж салығын енгізу қаупі туралы ескерту жасаған еді.
