Бүгінгі таңда Қостанай облысының оңтүстігіндегі су тасқыны жағдайы тұрақталды, деп хабарлайды BAQ.KZ.
Мұндай деректерді ОКҚ брифингінде Қостанай облысы әкімінің орынбасары Арман Әбенов айтты.
Күштер басқа аймақтарға бағытталды. Қаратомар су қоймасын толтыру қарқынды жүріп жатыр. Қазіргі уақытта қуаттылығы 3,3 мың м3/с Қостанай қаласына қарай су ағызу жүзеге асырылуда.
Қостанай қаласындағы Тобыл өзеніне, Рудный қаласының Перцев ауылына және Қостанай ауданының Тобыл қаласына іргелес аумақтарды су басу қаупі бар.
«Еріген қар суын өткізу мақсатында Қостанай қаласының шағын көпір ауданында көлік қатынасы үшін пайдаланылмайтын жол төсемі ашылды. Сондай-ақ Тобыл өзенінде мұз кептелісінің алдын алу үшін екі рет жарылыс жұмыстары жүргізілді. Облыстың басқа өңірлеріне келетін болсақ, Қарасу ауданында Тонтігер өзеніндегі су деңгейінің артып келе жатқанын атап өтемін. Қазіргі уақытта су деңгейі 969 см, қауіпті деңгейі 914 см болып саналады. Ықтимал су басу аймағы: Карамырза, Октябрьское, Железнодорожное ауылдары», - деді Әбенов.
36 үй су астында қалды. Карамырза ауылы, Б. Майлин ауданында Ресей Федерациясының су қоймаларынан ағызуды жүзеге асыру кезінде Әйет ауылы мен ауданның 5 ауылы су басуға бейім болады.
«Халықты эвакуациялау туралы хабардар ету шаралары алдын ала қабылданды. Қазіргі уақытта облыс бойынша Тобыл өзені мен Тонтігер өзенінің бойында 1 835 адам эвакуацияланды, уақытша орналастыру пункттерінде 203 адам бар, қалғандары туыстарына орналастырылды. Жағдайды бақылау үшін тәулік бойы кезекшілік жүзеге асырылады. Осы өңірлерде барлық ескерту және ұйымдастыру шаралары жүргізілуде», - деп сендірді әкім орынбасары.
Сондай-ақ баяндамада елді мекендерді үйіп тастау, қапшықтар мен инертті материалдарды төсеу, барлық қажетті техника, сондай-ақ орналастыру пункттері дайындалғаны айтылды.
