Нұр-Сұлтан, BAQ.KZ. Тәулік ішінде Қарағанды қаласында 30-дан астам жол-көлік оқиғасы тіркелді. Бұл туралы Қарағанды облысының ПД баспасөз қызметі хабарлады.
Ауа райының күрт өзгеруінен, сондай-ақ жүргізушілердің қарапайым жол жүру ережелерін сақтамауының салдарынан тәулік ішінде қала бойынша 32 жол-көлік оқиғасы тіркелді. Жол-көлік оқиғасының салдарынан 6 адам зардап шегіп, 1-ауруханаға жатқызылса, 5 адам амбулаторлық ем қабылдауда, - делінген хабарламада.Полиция қызметкерлері барлық жүргізушіден жол жүру ережелерін сақтауды, жолда жүргенде барынша сақ болуды, жол белгілеріне аса мән беруді ескертеді.
