Теміртауда жас жігіт соқырішекке жасалған операциядан кейін қайтыс болды

16 Қаңтар 2023, 11:59
5246
Бөлісу:
Теміртауда жас жігіт соқырішекке жасалған операциядан кейін қайтыс болды

Теміртау қаласының ауруханасында 27 жастағы жігіт қайтыс болды. Туыстарының айтуынша, орталық аурухана дәрігерлері жігіттің соқырішегін алып тастағаннан кейін көз жұмған. Бұл туралы Instagram желісіндегі Patriotkaragandy парақшасы ақпарат таратты, деп хабарлайды BAQ.KZ тілшісі.

Туыстары орталық аурухана дәрігерлерін айыптап отыр. Себебі ауруханаға келген жігітті дәрігерлер үйіне қайтарып жіберген. Аппендицит үйде жарылған кезде оны жедел жәрдеммен ауруханаға алып кетеді. Бірақ олар сепсисті көрмей, салдарынан жас жігіт ауруханада қайтыс болады.

Операция небәрі 35 минут жасалған. Перитонитпен іріңді аппендицит жарылғаннан кейін қысқа уақыт ішінде организмнің ішін сапалы тазартуға бола ма? 2022 жылғы 27 қарашаға қараған түні 1995 жылғы ағам Мақсат Рысмағанбетов іштің ауыруы, құсу шағымымен қабылдау бөлмесіне өзі барды. Сол түні кезекші дәрігер С. В. Зебницкий ағамды тексеріп, анализдер алып, рентгенге түсіріп, қорытынды шығарды: спастикалық колит, жедел панкреатит. Олар аппендицитті анықтай алмады, - дейді Мақсаттың туған әпкесі Еркемай Мұхамедьярова.

Мақсат Рысмағанбетов үш күн бойы үйде жатып, ауырған. Жедел жәрдем пациентті 29 қарашада алып кетеді.

Операция 10:45-те басталып, 11.20-да аяқталған, яғни 35 минуттан кейін. Осындай қысқа мерзімде ағзаны жарылған аппендициттен тазартуға бола ма? Хирург Әлібек Сәрсембенов болды. Оның жарасы тігілмеді, тампондар қойылып, хирургиялық бөлімге ауыстырылды. Онда Мақсат екі апта жатып, 13 желтоқсанда «локализацияланған перитонитпен жедел аппендицит» диагнозын жазып шығарды. Атап айтқанда, жедел гангренозды аппендицит. Параперппендикулярлық инфлятрат. Тифлит. Жергілікті іріңді перитонит. Тампондармен толтырылған ашық жарамен оны үйіне жіберді. Үйде ол 4 күн жатты. Іші ауыра бастады, бірнеше рет жасыл түсті  зат шығарып, құсты. Жедел жәрдем шақырылып, тағы да орталық ауруханаға жеткізілді. Туыстарын палатаға кіргізбеді. Бір аптадан кейін, 23 желтоқсанда ағам маған қоңырау шалып, қазір операцияға дайындалып жатқанын айтты. Құсу тоқтамаған, тамақ ішкенде ауырсыну болған. Операциядан кейін ол реанимацияға түсті. Дәрігер маған қоңырау шалып, операцияның жақсы өткенін айтты. Келесі күні мен реанимацияға қоңырау шалдым. Анализдер нашар екенін айтты, - дейді әпкесі.

28 желтоқсанда 17:45-те Еркемай ағасымен соңғы рет сөйлескен. Оның соңғы сөздері «Мені мына жерден алып кетші, жағдайым нашар, олар мені өлтіріп жатыр. Жағдайым күн санап нашарлап барады» деген.

Мақсаттың туыстары оны Қарағанды ауруханасына жеткізулерін сұраған, алайда теміртаулық дәрігерлер ол орын ауыстыруды көтермейтінін айтқан.

Мақсаттың әпкесінің айтуынша, анализдер бір-біріне қарама-қайшы болған.

Олар қан таза, сепсис жоқ деп айтты. Бір аптадан кейін сепсис бар деп отырды. Демек, дәрігерлер бізден сепсис бар екенін жасырып отырған. Оның жағдайы нашарлағанда ғана шындықты айтқаны ма? Қарағандыдан дәрігерлер келіп қарады. Олар мені 10 қаңтарда шақырып, сепсистің түрін анықтай алмай жатқандарын айтты. Анықтамаларды Қарағанды ауруханасына жібергенін айтты. Қорытынды екі күннен кейін болатынын жеткізді. Алайда сол 10 қаңтарда Мақсаттың қайтыс болғанын айтты, - деді ол.

Мақсаттың туыстары соқырішекті бірден анықтамаған дәрігерлерді жазалауды сұрап отыр.

Ағамның жасы небәрі 27-де еді. Үйленемін деп жоспарлап жүрген. Дәрігерлер соқырішекті анықтай алмай, кейін ол жарылғанда жұмыстарын сапасыз істеді, - дейді марқұмның әпкесі.

Бұл оқиға бойынша облыстық Денсаулық сақтау басқармасы түсініктеме берді.

Қарағанды облысының Денсаулық сақтау басқармасы қайтыс болған науқастың туыстары мен жақындарына көңіл айтады. Қазіргі уақытта ДСМ Медициналық және фармацевтикалық бақылау комитеті Қарағанды облысы бойынша департаментпен бірлесіп кешенді тексеру жүргізіп жатыр. Тексеру нәтижелері қосымша хабарланады, - делінген хабарламада.

Өзгелердің жаңалығы