Теміртауда 800-ге жуық үй орталық су жүйесіне қосылды

29 Мамыр 2024, 19:31
309
Бөлісу:
Теміртауда 800-ге жуық үй орталық су жүйесіне қосылды
Фото: Қарағанды облысы әкімдігінің баспасөз қызметі

Теміртаудың оң жағалаудағы 726 үй орталық су жүйесіне қосылды, деп хабарлайды BAQ.KZ Қарағанды облысының әкімдігіне сілтеме жасап.

Теміртауда қаланың оң жағалауында жаңа су құбыры салынып бітті. Желілердің ұзындығы - 21,6 км. Орталық сумен жабдықтаумен 726 жеке сектор үйлері қамтамасыз етіледі. Олардың көпшілігі бұрын қалалық сумен жабдықтау жүйесіне қосылмаған еді, ал кейбір абонент үйлерін жаңа желіге ауыстыра алады.

Жаңа қалалық коммуникацияларға қосылудың техникалық шарттарын сегіз көшенің тұрғындары рәсімдей бастады: Самарқанд, Энергетиков, Нагорная, Южная, Джаурская, Ташенова, Мартеновская және Луговая.

Осындай жұмыстар ескі қалада және "Соцгород" шағын ауданында жүргізілуде. Онда 518 үй ауыз сумен қамтамасыз етіледі. Ақтау кентінде 10 көшеде су құбыры желілерін салу бойынша үш жоба іске асырылуда, бұл барлық тұрғындарды орталық сумен жабдықтауға толық қосуға мүмкіндік береді.

Сондай-ақ АБВ кварталының, 9А шағын ауданының және қаланың басқа аудандарының тұрғындары үшін су құбыры желілерін салуға жобалау-сметалық құжаттама әзірленуде.

Өзгелердің жаңалығы