Нұр-Сұлтан, BAQ.KZ. Батыс Қазақстан облысы Ақжайық ауданының полиция қызметкерлері ұрланған автокөлікті үш сағатта тапқан. Бұл туралы Батыс Қазақстан облыстық полиция департаментінің баспасөз қызметі хабарлады.
Оқиға 15-қарашада орын алған. Кешкі сағат алтылар кезінде Ақсауат кентінде белгісіз біреу қаңтарулы тұрған «ВАЗ» маркалы автокөлікті теуіп кетті. Ақжайық ауданы полиция бөлімінің қызметкерлері 3 сағаттық іздеу шаралары нәтижесінде автокөлікті иесіне қайтарып берді. Аталмыш жайт бойынша мас күйде болған 1986-жылғы азамат ұсталды, - делінген хабарламада.
Аталмыш оқиғаға қатысты Қылмыстық кодекстің 200-бабы 1-тармағына сәйкес сот алды тергеу жүргізілуде.
