Талдықорғанда полиция бастығы әйелді зорлады деген күдікке ілінді

Талдықорған қаласының Полиция басқармасының бастығы 27 жастағы әйелді зорлады деген күдікке ілінді, деп хабарлайды BAQ.KZ тілшісі.

Бұл туралы Жетісу облысы Полиция департаментінің бастығы Атығай Арыстанов мәлімдеді.

Талдықорған қалалық полиция басқармасының бастығы уақытша ұстау изоляторына қамауға алынды. Ол облыс орталығының 27 жастағы тұрғынын зорлады деген күдікке ілінді, - деді Атығай Арыстанов.

ҚР ҚК 120-бабы 2-бөлігі (Қызметтік міндеттерін орындау кезінде жасаған зорлау) бойынша қылмыстық іс қозғалды. 

Барлық мән-жай қажетті сараптамаларды тағайындаумен сотқа дейінгі тергеп-тексеру барысында зерделенеді. Қылмыстық істі тергеу ҚР ІІМ-нің ерекше бақылауына алынды.