Тұтынушылардың құқықтарын қорғау комитеті Bek Air-ді сотқа берді

3 Наурыз 2020, 16:48
1593
Бөлісу:
Тұтынушылардың құқықтарын қорғау комитеті Bek Air-ді сотқа берді

Нұр-Сұлтан, BAQ.KZ. Тұтынушылардың құқықтарын қорғау комитеті Bek Air әуекомпаниясына Алматы қаласы Түрксіб аудандық сотына талап арыз берді.

Қазіргі уақытта тұтынушылардың құқықтарын қорғау комитетіне Bek Air  әуекомпаниясымен бұзылған тұтынушылық құқықтарын қалпына келтіру туралы 420 адам өтініш жасады, - делінген хабарламада. 

Бұған дейін хабарланғандай, 2020 жылдың 31 қаңтарында комитет әуеакомпанияны Нұр-Сұлтан қаласының мамандандырылған
ауданаралық экономикалық сотына талап арыз берген.

Алайда, 2020 жылдың 20 ақпанында алдын ала сот отырысында, істі соттылығы бойынша Алматы қаласының Түрксіб аудандық сотына беру туралы сот ұйғарымы шықты. Бірақ комитет сот шешімімен келіспейді. 2020 жылдың 21 ақпанында осы ұйғарымға жеке шағым берілді.

Сонымен қатар, азаматтардың өтініштерінің тұрақты түсуіне байланысты және соттың талап арызды қарауы мақсатында Комитет
мүмкіндігінше қысқа мерзімде Bek Air әуеакомпаниясына Алматы қаласының Түрксіб аудандық сотына екінші талап арыз берді. 

Талап 2020 жылдың 21 ақпанында 360 адамды қорғауға берілген, осы соттың алдын ала сот отырысы 2020 жылдың 30 наурызына тағайындалған.

Комитетке күн сайын сатып алынған билеттер үшін ақшалай қаражатты қайтару мәселесі бойынша 20-дан астам өтініш келіп түседі. Жаңа өтініштер барлық қажетті растаушы құжаттардың болуы мәселесіне қарастырылуда. Қажетті талаптарға сәйкес келген жағдайда өтініштер талап арызға толықтыруларға енгізіледі.

Өзгелердің жаңалығы