Су тасқыны. Малынан айырылғандарға өтемақы қашан төленіп бітеді

21 Мамыр 2024, 14:35
271
Бөлісу:
Су тасқыны. Малынан айырылғандарға өтемақы қашан төленіп бітеді
VIDEO
Фото: скриншот

Тасқын кезінде малынан айырылған құлсарылықтарға мамыр айының соңына дейін өтемақы төленеді, деп хабарлайды BAQ.KZ Атырау облысының ТЖ жөніндегі жедел штабына сілтеме жасап.

Жылыой ауданының кәсіпкерлік және ауыл шаруашылығы бөліміне су тасқыны кезінде малынан айрылған тұрғындардан 101 өтініш келіп түсті.

Жылыой ауданында су тасқыны кезінде барлығы 876 бас ұсақ және ірі қара мал зардап шекті. 

Оның ішінде:

- 93 бас ірі қара мал, 
- 697 бас ұсақ мал, 
- 55 бас жылқы, 
- 31 бас түйе
- 532 құс.

Айта кетейік, 2024 жылдың 20 мамырынан бастап малынан айрылған 23 иесіне жалпы сомасы 25,6 млн теңгеге өтемақы төленді.

Су тасқыны кезінде малы зардап шеккен қалған 78 тұрғынға ақшалай өтемақы ағымдағы айдың соңына дейін төленеді. Төлемдердің жалпы сомасы 93,5 млн теңгені құрайды, - деді Жылыой ауданының кәсіпкерлік және ауыл шаруашылығы бөлімінің басшысы Нұртас Қуатбаев.

Өзгелердің жаңалығы