Мемлекет басшысы Сitigroup компаниясының Еуропа, Таяу Шығыс және Африка бойынша бас атқарушы директоры Дэвид Ливингстонды қабылдады, деп жазады BAQ.KZ Ақорданың баспасөз қызметіне сілтеме жасап.
Кездесу барысында халықаралық қаржы институтының еліміздегі қызметінің перспективалары талқыланды.
Президент еліміздің қаржы секторындағы цифрлық трансформацияны дамыту ісіндегі компания басшысының күш-жігерін жоғары бағалады.
Дэвид Ливингстон Мемлекет басшысына былтыр Сitibank Kazakhstan Астана халықаралық биржасының Құнды қағаздар орталық депозитарийіне (AIX CSD) мүше болғанын жеткізді. Оның айтуынша, бұл халықаралық институттық инвесторларға өз активтерін AIX депозитарийінде сақтауға мүмкіндік береді.
