СІМ Африкадағы Эбола вирусына байланысты қазақстандықтарға ескерту жасады

Қазақстанның Сыртқы істер министрлігі Африканың бірқатар елінде Эбола вирусының таралуына байланысты мәлімдеме жасады, деп хабарлайды BAQ.KZ тілшісі.

Ведомство мәліметінше, шетелге сапар жоспарлап жүрген азаматтарға қазіргі санитарлық-эпидемиологиялық жағдайды ескеруге кеңес берілген.

Сыртқы істер министрлігі Денсаулық сақтау министрлігінің мәлімдемесін назарға ала отырып, халықаралық сапарға шығуды жоспарлаған Қазақстан азаматтарына Африканың бірнеше еліндегі Эбола вирусының таралуына байланысты қалыптасқан санитарлық-эпидемиологиялық ахуалды ескеруді ұсынады, – деп мәлімдеді СІМ ресми өкілі Ерлан Жетібаев.

Министрлік қазақстандықтарға баратын елдегі эпидемиологиялық жағдаймен алдын ала танысып, жеке қауіпсіздік шараларын сақтауға кеңес берді.

Сондай-ақ қажет болған жағдайда жергілікті медициналық мекемелердің көмегіне жүгіну ұсынылды.

Еске салсақ, ДДСҰ Африкадағы Эбола штаммының өршуіне байланысты төтенше жағдай жариялады.

Тағы оқи отырыңыз: Конгода Эбола індеті қайта өршіді: 65 адам көз жұмды 

ДДСҰ дабыл қағуда: Эбола дертінен қайтыс болғандар екі есе артты