Нұр-Сұлтан, BAQ.KZ. ШҚО әкімдігінде Серебрянск қаласындағы бейорганикалық өндіріс зауытын қайта қалпына келтіру мәселесі бойынша кезекті кеңес өтті, деп хабарлады Алтайньюс.
ШҚО әкімінің айтуынша, зауытқа серіктес болып, өнімдерін сатып алуға дайын бірнеше кәсіпорын қызығушылық білдіріп отыр. Жақын уақытта зауыт шатырын жөндеу жұмыстары басталады.
Қазірдің өзінде өз қаражатына жаңа станоктар алуға дайын инвесторлар да табылған. Оның арқасында қосымша 150 жұмыс орны ашылуы мүмкін.
Бұл жақсы бастама. Мен шығарылатын өнімдер нарығы мен құнын зерделеуді тапсырдым. Біз бағаны көтермеуіміз керек, өйткені осы нарықта лайықты орын алу - маңызды. Мен әлеуетті инвесторлармен кездесуге және олардың ұсыныстарын қарауға дайынмын. Әрбір 10 күн сайын біз өндірісті қалпына келтіру және оған бұрынғы даңқын қайтару бойынша жаңа нақты міндеттер қоямыз. Егер инвесторлар зауытты одан әрі дамытудың егжей-тегжейлі жоспарын ұсынған жағдайда, бізде өз тарапымыздан оларға кепілдік бере аламыз, - деді аймақ басшысы.
