Шорт-тректен Қазақстан құрамасының көшбасшыларының бірі Денис Никиша Қытайдың Бейжің қаласында өтіп жатқан World Tour кезеңінде алтыншы орынға ие болды, деп хабарлайды BAQ.KZ.
Ол 1500 метр қашықтықта А финалына дейін жетіп, шешуші жарыста алтыншы нәтиже көрсетті.
Бірінші орынды Оңтүстік Корея спортшысы Пак Джи Вон иеленсе, екінші болып канадалық Уильям Данджину келді. Үздік үштікті Қытай спортшысы Сунь Лун түйіндеді.
