Нұр-Сұлтан, BAQ.KZ. Ауа райының нашарлауына байланысты Шығыс Қазақстан облысында жол уческесінде көлік қозғалысы шектелді. Бұл туралы ИИДМ баспасөз қызметі хабарлады.
Шығыс Қазақстан облысында 08.03.2021 күні 21:00 сағаттан бастап ауа райының қолайсыздығына байланысты (боран соғып, жолдың көрінбеуі) «Өскемен-Шемонайха-РФ шекарасы» автожолында жүк және қоғамдық көліктердің қозғалысына тыйым салынды: 15-102 км, Глубокое ауылы мен Шемонайха қаласы аралығындағы жол бөлігі; 105-123 км, Шемонайха қаласы мен РФ шекарасы аралығындағы жол бөлігі - делінген хабарламада.
Естеріңізде болса, бұған дейін Ақтөбе облысында жолдар жабылғаны туралы хабарлаған болатынбыз.
