Шекарадан шығып жатқан ресейліктер көбейді – министр

Шекарадан шығып жатқан ресейліктер көбейді – министр
988

Бұл туралы Мәжіліс отырысынан кейін Сыртқы істер министрі Мұхтар Тілеуберді мәлім етті, деп хабарлайды BAQ.KZ тілшісі.

Бұған дейін 4 қазандағы Үкімет кулуарында Ішкі істер министрі Марат Ахметжанов  21 қыркүйектен бері елімізге 200 мыңнан астам ресейлік келгенін атап өткен еді.

Соңғы мәліметтерге сәйкес, кеше Ресейден теріс миграция байқалды, яғни, елімізден шығып кеткен Ресей азаматтарының саны кіргендерден көп болды, - деді Тілеуберді мәжіліс отырысынан кейін журналистерге берген жауабында.

Еске сала кетейік, СІМ басшысы Каспий теңізі бойынша бірқатар жоба қарастырылатынын айтқан еді.

Әрине, теңіз болғаннан кейін қарастырылатын мәселелер өте көп. Сол себепті қазіргі таңда біз басқа мемлекеттермен салалық келісімдердің жобаларын қарастырып жатырмыз. Ол ең біріншіден, браконьерлікпен күрес немесе теңіздегі құтқару мәселелері және Каспий теңізін дамытуға бағытталады, - деді Мұхтар Тілеуберді. 

Ресейдегі мобилизациядан қашқан ресейліктер отанын тастап, әлемнің түкпір-түкпіріне бассауғалауға мәжбүр болған болатын. Олардың соңғы бірнеше күнде еліміз шекарасынан асып, кеден бекеттерінде кептеліс жасап жатқанын түрлі БАҚ пен әлеуметтік желілерде көптеп тарап жатыр.

Қысқа да нұсқа. Жазылыңыз telegram - ға

Фото: дереккөз
Өзгелердің жаңалығы