Нұр-Сұлтан, BAQ.KZ. Бүгін Өзбекстан Республикасының Президенті Шавкат Мирзиёев елордадағы «Отан қорғаушылар» монументіне гүл шоқтарын қойды.
Ескерткіш екінші дүниежүзілік соғысқа қатысқан қазақ жауынгерлерін еске алуға арналған. Оның биіктігі 37 метр. Монументтің ортасында «Отан-ана» бейнесі бейнеленген.
Шет мемлекеттердің басшылары Қазақстан халқына деген терең құрметтің белгісі ретінде ескерткіштің жанына гүл шоқтарын қояды.
Естеріңізге сала кетейік, бұған дейін елімізге Өзбекстан президенті іс-сапармен келгені туралы хабарлаған болатынбыз.
