Қазақстандық спортшы Сергей Морозов (18-5) Лас-Вегаста (АҚШ, Невада) аралас жекпе-жектен UFC Fight Night 216 турнирінде өнер көрсетті. Бұл туралы BAQ.KZ Sports.kz сайтына сілтеме жасап хабарлайды.
Морозов американдық Джорни Ньюсонға қарсы шықты (10-3).
Жеңіл салмақтағы бұл жекпе-жек үш раундқа есептелген болатын және төрешілердің бірауыздан шешімімен қазақстандық боксшының жеңісімен аяқталды.
Осылайша, Сергей Морозов ММА-дағы кәсіби мансабындағы он тоғызыншы жеңісіне қол жеткізсе, ал Джорни Ньюсон төртінші рет жеңіліске ұшырады. Спортшылардың UFC-дегі мансабына келетін болсақ, Морозов үшін бұл үшінші жеңісі (екі жеңіліспен), ал Ньюсон үшінші рет жеңіліске ұшырады. Әзірше оның бір ғана жеңісі бар.
