Бұл туралы бүгін өткен Сенат отырысында Қаржы министрі Ерұлан Жамаубаев мәлімдеді, деп хабарлайды BAQ.KZ тілшісі.
«2011 жылғы 19 желтоқсандағы Кеден одағының кедендік шекарасы арқылы қолма-қол ақша қаражатын және ақша құралдарын өткізу кезінде қылмыстық жолмен алынған кiрiстердi заңдастыруға және терроризмдi қаржыландыруға қарсы iс-қимыл туралы шартқа өзгерістер енгізу туралы хаттаманы ратификациялау туралы» Қазақстан Республикасының Заң жобасына тоқталсам. Аталған хаттамаға 2021 жылғы 20 шілдеде Мәскеу қаласында қол қойылды, - деп атап өтті ведомство басшысы.
Айтуынша, хаттама арқылы Кеден одағының кедендік шекарасы арқылы қолма-қол ақша қаражатын және ақша құралдарын өткізу кезінде қылмыстық жолмен алынған кiрiстердi заңдастыруға және терроризмдi қаржыландыруға қарсы iс-қимыл туралы шартқа өзгерістер енгізілген.
Қарастырылып отырған хаттаманы ратификациялау біздің еліміз үшін әлеуметтік-экономикалық және құқықтық салдарға әкеп соқтырмайды, сондай-ақ және республикалық бюджеттен қаражат бөлуді талап етпейді, - деді министр.
Еске сала кетейік, бұған дейін Сенат Кеден одағы шекарасындағы қолма-қол ақша өткізуге қатысты заңды қабылдағаны туралы жазған болатынбыз.
