Бұл туралы Сыртқы істер министрінің орынбасары Роман Василенко Орталық коммуникациялар қызметінің алаңында өткен баспасөз мәслихатында мәлімдеді, деп хабарлайды BAQ.KZ тілшісі.
ЕҚЫҰ-дан Қазақстандағы алдағы парламенттік сайлауға 400 байқаушы келеді. Бұл халықаралық байқаушылардың ең ірі миссиясы болады. Өткен аптада ЕҚЫҰ миссиясы мен халықаралық сарапшылардың аралық есебінде еліміздегі іске асырылған сайлау жүйесінің реформасына оң баға берілді. ЕҚЫҰ-дан ирландиялық саясаткер Оуэн Мерфи бастаған жоғары лауазымды шенеуніктер келеді, - деп атап өтті вице-министр.
Айтуынша, одақ тарапынан мұндай назар аудару – Қазақстанның бұл ұйыммен жүргізген белсенді әрі жүйелі жұмысының нәтижесі.
Еске сала кетейік, бұған дейін Сыртқы істер вице-министрі Еуропалық одақ елімізде 30-40 млрд еуроға 3 млн тонна «жасыл» сутекті өндіретіні туралы айтқан болатын.
Сондай-ақ Сыртқы істер ведомствосы еліміздің азаматтары үшін өзге елге сапар шегуге визасыз кеңістікті кеңейту бағытында қызу жұмыс жүргізіп жатқаны белгілі болды.
