Республика аумағында қандай жаңа автожол жобалары қолға алынады?

17 Қазан 2022, 11:54
896
Бөлісу:
Республика аумағында қандай жаңа автожол жобалары қолға алынады?

Бұл туралы Мәжілісте өткен Үкімет сағатында Индустрия және инфрақұрылымдық даму министрі Қайырбек Өскенбаев мәлімдеді, деп хабарлайды BAQ.KZ тілшісі. 

Айтуынша, үш жаңа жоба жобалану үстінде.  

Атап айтқанда: Орал қаласын оңтүстік-батыс айналып өту арқылы «Атырау - Орал» жобасы – 521 шақырымда (13 учаске), «Жезқазған - Қарағанды» - 513 шақырымда (12 учаске), «Ақтөбе - Ұлғайсын» - 262 шақырымда (7 учаске).  2024 жылы құрылыс-монтаждау жұмыстарын бастау арқылы жобалау жұмыстарын аяқтау жоспарланып отыр, - деп атап өтті министр. 

Сонымен қатар Ұлттық стандартқа сәйкес, жол бойындағы қызмет көрсету нысандары қызмет көрсету санатына қарай жол бойында орналасуы тиістігін атап өтті. 

Ондағы әрбір 50 шақырым Д санатына жататын нысандар. Бұл дегеніміз: жанар-жағармай құю станциялары, санитарлық-гигиеналық тораптар, бөлшек сауда нысандары. Ал әрбір 250 шақырым – А санаттағы нысандар, яғни барлық қызмет түрлерін көздейтін нысандар орналастырылады. Республикалық желі бойындағы қызмет көрсету нысандарының саны кемінде 1 900 нысан болуы тиіс, - деді ведомство басшысы. 

Айта кететін жайт, бүгінгі күні республикалық желі бойында 1 701 қызмет көрсету нысаны орналасқан. Оның 69%-ы нормативтік жағдайға тиесілі. 

Өзгелердің жаңалығы