Қызылша жұқтырған 30 баланың жағдайы ауыр – Денсаулық министрі

28 Қараша 2023, 09:58
766
Бөлісу:
Қызылша жұқтырған 30 баланың жағдайы ауыр – Денсаулық министрі
Фото: Үкімет баспасөз қызметі

Жағдайы ауыр балалардың бәрі министрліктің бақылауында. Денсаулық сақтау министрі Ажар Ғиният осылай деп мәлімдеді, деп хабарлайды, деп хабарлады BAQ.KZ тілшісі.  

Қазіргі таңда елімізде қызылшамен ауырған науқастар үшін инфекциялық ауруханаларда 3,5 мыңнан аса төсек орын ашылған. Стационарлық емделуге 2375 бала жатқызылды, төсек орны 60 пайызға жетті. Резервте 1093 орын бар.  Емдеуге жатқызу Жамбыл облысында – 92%, Алматы қаласында – 88%, Түркістан облысында – 81%, Шымкент қаласында – 79%, жоғары екені байқалады, - деді министр үкімет отырысында.

Ведомство басшысының айтуынша, 30 бала реанимация бөлімінде жатыр.

Олардың жағдайы ауыр. Оның ішінде 1 жасқа дейінгі – 15 бала бар. Өлім-жітім жоқ. Жағдайы ауыр балалардың бәрі министрліктің бақылауында, - деді Ажар Ғиният.

Бұған дейін министр Қазақстанда қызылшаны жұқтырудың 17 мыңнан аса дерегі тіркелгенін айтқан еді.

Өзгелердің жаңалығы