Нұр-Сұлтан, BAQ.KZ. Қытайда адамда жоғары патогенді H5N6 құс тұмауын жұқтырудың жаңа жағдайы тіркелді. Бұл туралы RTHK радиостансасы материктік Қытайдан алған Гонконг денсаулық сақтау органдарының хабарламасына сілтеме жасап мәлімдеді.
Инфекция оңтүстік Гуандун провинциясының 68 жастағы тұрғынында анықталды. Ол құстарды асыраған.
Оның белгілері 3 желтоқсанда пайда болып, төрт күннен кейін ауруханаға жатқызылды. Қазір ол дәрігерлердің бақылауында, оның жағдайын дәрігерлер ауыр деп бағалап отыр.
2014 жылдың мамыр айында оңтүстік-батыс Сычуань провинциясында құс тұмауының H5N6 штаммының әлемде адам алғаш рет тіркелгені туралы хабарланған. Содан бері Қытайда мұндай жағдайлардың саны 53-ке жетті. 2021 жылы құс тұмауының H5N6 штаммынан 21 адам қайтыс болды.
Бұған дейін қытайлық дәрігерлер H10N3 құс тұмауын жұқтырған бірінші адамды тіркеген, ол бұрын жануарлар арасында ғана жұғатын.
