Қытайдың кейбір салаларында өсім баяулағанымен, жаңартылатын энергия, жоғары технологиялық өндіріс және цифрлық экономика қарқынды дамуда. Мысалы, электромобиль өндірісі бір жылда 13 млн-нан асқан, деп хабарлайды BAQ.KZ.
Қытай шетелдік кәсіпорындар үшін төмен шығынды өндірістік база болудан жоғары қосымша құнды өнімдер өндіретін нарыққа айналып жатыр. Мемлекет соңғы жылдары нарықтық реформаларды күшейтіп, шетелдік компаниялар үшін кіру кедергілерін азайтып, зияткерлік меншік құқығын қорғауды күшейтті.
Оксфорд университетінің профессоры Иэн Голдин бұл өзгерісті сипаттап, айтып берді.
Қытай бұрын әлемдік фабрика ретінде қарапайым тауарлар өндірді. Енді ол жасанды интеллект, IT-технологиялар және жоғары қосылған құнды өндірістерге көшіп жатыр. Бұл тек Қытай үшін ғана емес, бүкіл әлем үшін тиімді, - деді ол.
Қытайдың кейбір салаларында өсім баяулағанымен, жаңартылатын энергия, жоғары технологиялық өндіріс және цифрлық экономика қарқынды дамуда. 2025 жылға арналған үкіметтік есепке сәйкес, өткен жылы жоғары технологиялық өндіріс 8,9%-ға, ал жаңа энергия көздері 7,7%-ға өсті. Электромобиль өндірісі жылына 13 миллионнан асты.
Шетелдік компаниялар енді Қытайда тек өндіріс орындарын емес, зерттеу және даму (R&D) орталықтарын да ашуда.
BHP компаниясының бас директоры Майк Генри Қытайдың жасыл экономикаға және цифрландыруға көшуі бүкіл әлем үшін жаңа мүмкіндіктер ашатынын айтады. Қытай қазіргі уақытта әлемдік экономикалық өсімнің 30%-ын қамтамасыз етіп, 150-ден астам елдің басты сауда серіктесіне айналды.
Қытайдың “қос айналым” моделі – яғни ішкі тұтынуды күшейте отырып, жаһандық сауда байланыстарын сақтау – шетелдік кәсіпорындарға жаңа міндеттер жүктейді. Бұрын Қытай экспорттық өндіріс хабы ретінде қарастырылса, енді шетелдік компаниялар жергілікті тұтынушылардың қажеттіліктеріне бейімделуі қажет.
2
0
0
0
0
