Қырыққабат өсіріп, шығынға батқан түркістандық фермерлердің тағдыры шешілді

2 Мамыр 2020, 17:40
2291
Бөлісу:
Қырыққабат өсіріп, шығынға батқан түркістандық фермерлердің тағдыры шешілді

Нұр-Сұлтан, BAQ.KZ. ҚР Премьер-министрінің орынбасары Роман Склярдың жетекешілігімен Түркістан облысының ауыл шаруашылығы тауарларын өндірушілерді қолдау мәселесіне қатысты селекторлық жиын өтті. 

Бұл туралы primeminister.kz сайтында хабарланды.

Өңірлердің әкімдіктеріне Түркістан облысындағы қырыққабатты жаппай сатып алу туралы тапсырма берілді. 

Отырыс қорытындысы бойынша Үкімет резервінен зардап шеккен фермерлерге екінші көктемгі егіс жұмыстары үшін 1,6 млрд теңге несие бөлу туралы шешім қабылданды. Сондай-ақ, облыстардың, Нұр-Сұлтан және Алматы қалаларының әкімдіктеріне әлеуметтік-кәсіпкерлік корпорациялар есебінен қаражатты Түркістан облысының фермерлерінен ерте пісетін қырыққабат сатып алуға жұмсау туралы тапсырма берілді, - делінген ведомство хабарламасында.

Естеріңізге сала кетсек, Түркістан облысында 10 сәуірде басталған ерте пісетін қырыққабатты жинау науқаны мамыр бойы жалғасады. Фермерлер егістен 300 мың тонна көлемінде өнім алуды жоспарлап отыр. 

Төтенше жағдай кезеңінде ауылшаруашылығы тауарларын өндірушілер өз өнімдерін өткізуде бірқатар проблемаға тап болды. Олар қырыққабат өнімдерін ТМД елдеріне жөнелтуді жоспарлаған еді. Алайда, дүкендер мен базарлардың жабылуына байланысты, аталмыш өнімге деген сұраныс азайды. Осыған орай, Премьер-министр Асқар Мамин зардап шеккен фермерлерге қолдау көрсетуді тапсырды.

Өзгелердің жаңалығы