"ҚТЖ" ҰК" АҚ-ның өртке қарсы қызметінің дайындығы жоғары деңгейде

"ҚТЖ" ҰК" АҚ-ның өртке қарсы қызметінің дайындығы жоғары деңгейде
820

Нұр-Сұлтан, BAQ.KZ.  "ҚТЖ" ҰК" АҚ мемлекеттік емес өртке қарсы қызметінің жасақтары кез келген сәтте өртті жоюға және апаттық-құтқару жұмыстарын жүргізуге дайын. 

Ағымдағы жылдың басынан бастап "ҚТЖ" ҰК" АҚ-ның өртке қарсы пойыздары мен автокөліктері 15 рет өрт сөндіруге шықты.

Осы бөлімшелердің алдында тұрған жауапты міндеттердің бірі - өрттердің алдын алу. Өрт сөндіру пойыздары жылжымалы құрамда, теміржол көлігі нысандарында және бөлек  белдеуде отты сөндіру және апаттық-құтқару жұмыстарын жүргізу үшін тартылады. 

 Қазақстан магистралінің негізгі станцияларында 13 өрт сөндіру жасағы, 47 пойыз және 4 бекет орналасқан. ТЖД бөлімшелерімен өзара тығыз іс-қимыл арқасында арнайы пойыздар орман-дала алқаптарында, бөгде ұйымдар мен елді мекендердің нысандарында жалынды жоюға белсенді түрде қатысады.

  Дайындықтың жоғары деңгейін қолдау, сондай-ақ төтенше жағдайларда іс-қимылдың негізгі дағдылары мен алгоритмдерін пысықтау үшін барлық өрт сөндіру пойыздары мен олардың жеке құрамы оқу-жаттығулар мен арнайы жаттығуларға, оның ішінде ТЖМ ТЖД-мен бірлесіп үнемі қатысады. Бұл ретте оқу-жаттығулар барынша төтенше жағдайға жақындатылған. Ағымдағы жылдың басынан бері осындай 58 жаттығу өтті, - дейді "ҚТЖ" ҰК" АҚ мемлекеттік емес өртке қарсы қызмет тобының бас менеджері Дәрмен Есенбаев.

Қысқа да нұсқа. Жазылыңыз telegram - ға

Фото: дереккөз
Өзгелердің жаңалығы