Кәсіби мереке қарсаңында Қорғаныс министрлігінде Қазақстан Қарулы күштерінің үздік әскери қызметшілері мен қызметкерлеріне құрмет көрсетілді, деп хабарлайды BAQ.KZ.
Қорғаныс ведомствосының басшысы генерал-полковник Руслан Жақсылықов өскелең ұрпақты әскери-патриоттық тәрбиелеу ісінде Отан қорғаушылар және Ұлы Жеңіс күнінің маңыздылығын атап өтті.
Ұлы Отан соғысы адамзат санасында өшпес із қалдырды. Ол өркениет тарихындағы ең қайғылы беттердің біріне айналды. Отанды агрессордан қорғауда қазақстандық жауынгерлер ерекше ерлік пен қаһармандықтың озық үлгісін көрсетті, - деді Қорғаныс министрі генерал-полковник Руслан Жақсылықов.
