29 қаңтарда еліміздің басым бөлігінде тұрақсыз ауа райы сақталады, деп хабарлайды BAQ.KZ "Қазгидромет" РМК-ға сілтеме жасап.
Синоптиктердің болжамына сәйкес, күн райының тұрақсыздығына атмосфералық фронттар әсер етеді.
Қазақстанның басым өңірінде жауын-шашын (көбінесе қар) жауады.
Оңтүстік, оңтүстік-шығыстың таулы аудандарында қатты жауын-шашын болады.
Қазақстан бойынша тұман түсіп, көктайғақ болады.
Оңтүстік, оңтүстік-шығыстың таулы аудандарында бұрқасын көтеріліп, жел күшейеді.
