Қазақстанда рухани білімді қайдан алуға болады?

Қазақстанда рухани білімді қайдан алуға болады?
741

Нұр-Сұлтан, BAQ.KZ. Шетелдік рухани білім беру мекемелерінде діни білім алу үлкен қауіп төндіреді, өйткені студенттің радикалдану қаупі бар. 

Нұр-Сұлтан қаласының Дін істері басқармасы елімізде қанша діни оқу орны жұмыс істейтінін айтты, деп хабарлайды елорда әкімдігінің ресми сайты.

Бүгінгі таңда Қазақстан бойынша 13 рухани оқу орны жұмыс істейді, олардың ішінде Ислам бағытына 11 оқу орны жатады: "Нұр-Мүбарак" университеті, 9 медресе-колледж, ҚМДБ жанындағы имамдардың біліктілігін арттыру Ислам институты.

Христиандық бағытқа екі оқу орны жатады: Алматы православиялық рухани семинариясы және "Мария – Шіркеу анасы" мұрағатаралық жоғары рухани семинариясы.

Дінге байланысты, оның ішінде теологиялық білім алуға қатысты мәселелер туындаған жағдайда, астаналық Діндерді зерттеу орталығына iKomek-109 телефон арқылы хабарласуға болады.

Қысқа да нұсқа. Жазылыңыз telegram - ға

Фото: ашық дереккөз
Өзгелердің жаңалығы