Дубай қаласында өтіп жатқан оқу-жаттығу жиыны аясында Қазақстан мен Түрікменстан ұлттық құрамалары арасында жолдастық ойын болды, деп хабарлайды BAQ.KZ.
Жабық түрде өткен бақылау ойыны Магомед Адиев шәкірттерінің жеңісімен аяқталды.
Ойынның 2-минутында Ислам Чесноков Максим Самородовтың пасынан кейін есептті ашты. Бірінші тайм 1:0 есебімен аяқталды.
Үзілістен кейін 47-минутта Александр Зуев алыстан тоғыздықты көздеп, есепті еселеді.
Айта кетейік, екі жақтың келісімі бойынша матч жабық түрде өтті және ойынның хаттамасы мен шолуы болмайды.
Қазақстан 2:0 Түрікменстан
2’ Чесноков (Самородов)
47’ Зуев (Тапалов)
