Қазақстан, Ресей, және Түрікменстан арасында жүк тасымалын дамыту үшін бірлескен кәсіпорын құру туралы меморандумға қол қойылды, деп хабарлайды BAQ.KZ.
«Қазақстан темір жолы» АҚ баспасөз қызметінің мәліметінше, «TransRussia 2023» көлік-логистикалық қызметтердің 27-ші халықаралық көрмесі аясында «KTZ Express» АҚ, «РЖД Логистика» АҚ және «Түрікменстанның көлік-логистикалық орталығы» ААҚ арасында арнайы меморандумға қол қойылды.
Меморандумның мақсаты – «Солтүстік-Оңтүстік» халықаралық көлік дәлізінің шығыс бағытында бірыңғай логистикалық оператор құру.
Тараптар бәсекеге қабілетті тарифтік ставкаларды қалыптастыру және Ақсарай, Озинки, Болашақ, Инче-Бурун, Серахс шекаралық өткелдері арқылы Қазақстаннан, Ресейден, Түрікменстаннан Иранға, Үндістанға, Таяу Шығыс елдеріне және Азия-Тынық мұхиты өңіріне жүктерді «жіксіз» тасымалдау үшін өз құзыретін біріктіруге келісті.
Қазақстан үшін «Солтүстік-Оңтүстік» дәлізі Иран және Үндістанмен көлік-экономикалық байланыстарды дамытуға үлкен мүмкіндік бар. Қазақстандық жүк жөнелтушілердің айтуынша, бұл құрлық дәлізінің Қазақстан аумағы арқылы жүктерді жеткізуде және тасымалдауда барлық мүмкіндік қолайлы болады.
