Қазақстан-Қытай зерттеу орталығы құрылуы мүмкін

4 Қыркүйек 2023, 17:40
374
Бөлісу:
Қазақстан-Қытай зерттеу орталығы құрылуы мүмкін
Фото: ҚР ИИДМ баспасөз қызметі

Цзянсу Ұлттық жол ғылыми-зерттеу орталығы ҚазжолҒЗИ базасында Қазақстан-Қытай зерттеу орталығын құруға ниетті, деп хабарлайды BAQ.KZ ҚР ИИДМ баспасөз қызметіне сілтеме жасап.

Астанада өткен кездесуде ҚР мен ҚХР жол ғалымдарының ынтымақтастығын одан әрі тереңдету перспективалары талқыланды.

Цзянсу Ұлттық жол ғылыми-зерттеу орталығының басшылары мен ғалымдары елордасы Астана қаласына ат басын тіреді. Қазақстандық әріптестермен кездесуде көлік инфрақұрылымын жобалаудың жаңа әдістерін енгізу және негізгі зерттеу жобаларын іске асыру перспективалары талқыланды.

Қазақстан-Қытай зерттеу орталығы құрылуы мүмкін

Шетелдік қонақтарға Қазақстандағы жалғыз жол ғылыми-зерттеу институтының негізгі қызметі, жол инфрақұрылымын дамыту мәселелері, сондай-ақ ҚазжолҒЗИ ғалымдарының соңғы әзірлемелері туралы ақпарат берілді. Атап айтқанда, жол битумының нанокөміртекті және өзге де инновациялық модификаторларының презентациялары таныстырылып, сондай-ақ сала мамандары, тас карьерлері, жаңа технологиялар мен материалдар, көпірлерді басқару жүйесі және цифрлық деректер базасын құру жөніндегі басқа да жобалар қонақтардың назарына ұсынылды.

Келіссөздер барысында «ҚазжолҒЗИ» АҚ президенті осы жылдың сәуір айында қазақстандық ғалымдардан құралған делегацияны қарсы алған Jiangsu Transportation Institute компаниясына алғыс білдіріп, ұзақ әрі жемісті ынтымақтастыққа ниетті екенін жеткізді.

Қазақстан-Қытай зерттеу орталығы құрылуы мүмкін

JSTI - жолдарды жобалау мен салуда, сондай-ақ жол-құрылыс саласының нормативтік-техникалық базасын реформалауда бай тәжірибесі бар көлік саласындағы жетекші Қытай ғылыми-зерттеу институты. Қазір JSTI Group Co Ltd әлемдегі үздік 150 инжинирингтік компанияның ішінде 56-орында. Аталған институтпен ұзақ уақыт бойы бірлесе жұмыс істеп келеміз. Кездесу барысында жаңа әзірлемелерді, технологиялар мен жабдықтарды сынақтан өткізуге болатын жаңа бірлескен пилоттық жобаларды талқылауға қашанда дайынбыз, - деді Арман Әлібаева.

Бүгінгі таңда битумдарды жақсарту, жаңа жол-құрылыс материалдарын және озық зертханалық жабдықтарды жасау бойынша зерттеулер екі тарапты да қызықтырып отыр. Сонымен қатар Қытайдағы жол мамандарының өз біліктілігін міндетті түрде арттырып отыратыны төңірегіндегі тәжірибесі де асқан қызығушылық тудырып отыр. Осы ретте қазір мұндай бастаманы халық қалаулылары Парламентте қарап жатқандығын айта кеткен орынды.

JSTI басшылығы да өзара ынтымақтастық орнатуға мүдделі екенін айтты. Өйткені Қазақстан «Бір белдеу – бір жол» бағдарламасының өте маңызды қатысушысы.

Біздің орналасқан жеріміз, климаттық және басқа да ерекшеліктеріміз өзара ұқсас. Әлбетте, жол саласы үшін ыстық жаз және суық қыс үлкен проблема. Екі ел арқылы жүктердің белсенді транзиті жүріп жатыр. Сондықтан біз жолдардың бұзылуына қарсы күрес әдістерін бірлесіп әзірлей аламыз, сондай-ақ жол құрылысының сапасын бақылауды жақсарту үшін бірлесе жұмыс жасай аламыз,- деді кездесуде Jiangsu transportation Institute бас инженері, ұлттық озық жол материалдарын зерттеу орталығының директоры Чао Ронджи.

Қазақстан-Қытай зерттеу орталығы құрылуы мүмкін

Профессордың сөзінше, жұмыстың сапасы мен әлеуметтік мәселелерді, сондай-ақ құрылыстың құнын ескере отырып, жол құрылысы қағидаттарын құрудың дұрыс, теңдестірілген стратегиясын әзірлеуіміз керек. 

Бізде, ең алдымен, жаңа асфальтбетон қоспаларын әзірлеу, жобалау және ғылыми-зерттеу жұмыстары саласындағы ынтымақтастық үшін көптеген ортақ тақырып бар. Біз жол көлігі саласындағы стратегиялық мәселелерді бірлесіп шешу үшін ҚазжолҒЗИ базасында Қазақстан-Қытай зерттеу орталығын құруға ниеттіміз, - деп толықтырды ол.

Сондай-ақ сапар аясында шетелден келген қонақтар «ҚазжолҒЗИ» АҚ сынақ зертханасына, «ҚазАвтоЖол»ҰК ақылы жолдар дирекциясының дата-орталығы мен кеңсесіне барды.

Естеріңізге сала кетейік, отандық және қытайлық жол ғалымдарының ынтымақтастығы 2009 жылы басталған болатын. 2016 жылы тәжірибе алмасу мақсатында тиісті келісімге қол қойылды. 2023 жылдың сәуір айында ҚазжолҒЗИ делегациясының ҚХР-ға жасаған сапары барысында Jiangsu Transportation Institute-пен ынтымақтастық туралы жаңа меморандумға қол қойылды.

Өзгелердің жаңалығы