Минскіде Қазақстаннан әкелінген өнімдердің алғашқы дегустациясы өтті

9 Шілде 2019, 10:27
2847
Бөлісу:
Минскіде Қазақстаннан әкелінген өнімдердің алғашқы дегустациясы өтті
PHOTO

Нұр-Сұлтан, BAQ.KZ. 3-5 шілде аралығында Минскіде қазақстандық тағамдық өнімдердің көрмесі, сонымен қатар Беларусь-Қазақстан Іскерлік кеңесінің отырысы өтті.

Қазақстан және Беларусь – байырғы серіктестер мен ниеттестер, егемендік алғаннан бері бір-бірімен байланысты бұзған жоқ және 25 жыл тәуелсіздік ішінде қуатты саяси және экономикалық ынтымақтастық негізін құрай алды. Екі мемлекетті жемісті сауда-экономикалық қарым-қатынас үшін қомақты құқықтық негіз болатын 70-тен астам екіжақты құжаттар байланыстыруда. 2018 жылы елдер арасындағы сауда айналымы $895 млн құрады, 2017 жылмен салыстырғанда ол 30%-ға өсті. Қазақстан өндірушілерінің көрмесі осы көрсеткішті ұлғайтуға және жаңа серіктестік келісімдерді жасасуға мүмкіндік береді деп күтілуде.

IMG-20190709-WA0001.jpg

«Беларуссияның Қазақстанмен қарым-қатынасы өте қарқынды, әрі оңтайлы дамып келуде. Қазақстанда 40 тауар өткізуші субъектілер және Беларуссияның қатысуымен 256 кәсіпорындар жұмыс істеуде, біздің елде қазақстандық капиталмен 49 кәсіпорын жұмыс атқаруда. Тауар айналымы тұрақты өсіп келеді, біз $1 млрд жету жолындамыз», - деп журналисттерге хабарлады БелТПП төрағасы Владимир Улахович.

Өз тауарларын қазақстандық ірі ұн және макарон өнімдерінің, тұздық пен мау өнімдерінің, ет консервілерінің, табиғи сусындар мен кондитерлік өнімдердің өндірушілері көрсетті, ал қонақтар мен қатысушылар осы өнімдерден дәм татып, қазақстандық өнімдерді бағалауға мүмкіндік алды.

IMG-20190709-WA0019.jpg

«Қазақстандық тағамдық өнімдер бүгінгі таңда жоғары сапа деңгейіне жетуде және ТМД елдерінің жетекші өндірушілеріне бәсеке бола алады. Макарон, нан-тоқаш, сүт, кондитерлік және ет өнімдерін жасауда біз жақсы деңгейге жеттік. Менің пікірімше, қазақстандық өндірушілер осы жетістікпен тоқтап қалмауы керек. Осы сатыда шетелдік нарықты белсенді жаулап алу үшін бізде қажеттінің барлығы бар», - деді «Ново-Альджанский мелькомбинат» ЖШС бас директоры Қанат Тапаев.

Осындай арнайы іс-шаралар тағамдық өнеркәсіптегі қазақстандық өнімдердің бәсекеге қабілеттілігін және экспорттық әлеуетін алға тартуға, жоғарылатуға, сонымен қатар Беларуссиядан әлеуеттік серіктестермен іскерлік байланысты нығайтуға бағытталған.

«Қазақстандағы барлық дүкендерде, барлық облыстық қалаларда, оның ішінде қала түріндегі ауылды жерлерде беларуссиялық тағамдық өнімдер кеңінен таралған. Қазақстан беларуссиялық өнімдер үшін нарықтың есігін кеңінен ашты. Іскерлік кеңестің жұмысы барысында қазақстандық тағамдық өнімдерден басқа өнімдер де Беларуссияда кеңінен таралуға жол ашады дегенге сенемін», - деді құттықтау сөзінде Беларуссиядағы Қазақстанның елшісі Ермұхамет Ертісбаев.

Іскерлік кеңестің жұмыс нәтижесі «Hyundai» арнайы техникалық модельдік қатарын бекіту және Подснаб пен МАЗ беларуссиялық серістестермен жеткізілімге экспорттық келісімді жасасу болып саналады.

IMG-20190709-WA0020.jpg

Қазақстандық өндірушілердің беларуссиялық тауарлық желілердің өкілдерімен және дистрибьюторларымен кездесуде де нақты келісімдер жасалды. Осылайша, құрамына 29 дүкен мен 4 мейрамхана кіретін «Радзивилловский» желісінің өкілдері қазақстандық тағамдық өнімдердің барлық ұсынылған түрлерін сатып алуға қызығушылық тудырды. Тараптар сынауға партияны жеткізу туралы келісті.

Көшбасшы «Гиппо» беларуссиялық гипермаркеттердің өкілдері қазақстандық өнімдерді импорттауды бастайтын бірінші желі болуға ниет білдірді. Ерекше сұраныстағы тауарлар ұн, макарон өнімдері және табиғи сусындары болып табылады.

Қазақстандық бизнесті қолдау Қазақстанның Сыртқы сауда палатасы мен «Атамекен» ҰКП іске асыратын экспортты алға тарту бойынша мемлекеттік бағдарламаның шеңберінде іске асырылуда. Бағдарламаның басты мақсаты – аймақтың шикізаттық емес экспортын ұлғайту және экспортерлердің санын арттыру.

Өзгелердің жаңалығы