Астанаға Әзербайжан Қарулы күштері Әскери полиция бастығының орынбасары, полковник Мирхамид Нагиев бастаған әскери делегация сапармен келді, деп хабарлайды BAQ.KZ.
![Қазақстан мен Әзербайжан әскери қызметшілері тәжірибе алмасты](/userfiles/images/%D0%91%D0%B5%D0%B7%20%D0%BD%D0%B0%D0%B7%D0%B2%D0%B0%D0%BD%D0%B8%D1%8F(12).png)
Шетелдік делегация Ақмола өңірлік гарнизоны әскери полиция басқармасы жеке құрамының күнделікті тіршілік әрекетімен, ондағы кинологиялық қызметтің ұйымдастырылуымен танысты. Меймандарға құқық қорғау органдарының жабдықтары мен әскери техникасы көрсетілді.
![Қазақстан мен Әзербайжан әскери қызметшілері тәжірибе алмасты](/userfiles/images/d5605fb1-d4bb-4680-81ce-af925179f7bb.jpg)
Әзербайжан қорғаныс ведомствосының өкілдері әскери полиция мамандарын дайындау орталығында болып, материалдық-техникалық жарақтандырылуымен және оқу бағдарламасымен танысты.
![Қазақстан мен Әзербайжан әскери қызметшілері тәжірибе алмасты](/userfiles/images/d5a8ac2a-f2cc-46ab-8eb4-2958ef15b6e5.jpg)
Әскери полиция қызметкерлері әскери қызметтің қауіпсіздігін, алдын алу іс-шараларын және әскерлер қызметін ұйымдастыру бойынша тәжірибе алмасты. Кездесу соңында тараптар өзара қызығушылық тудыратын салалардағы ынтымақтастықтың әлеуетін атап өтті.
![Қазақстан мен Әзербайжан әскери қызметшілері тәжірибе алмасты](/userfiles/images/6888a80e-4bdc-46f3-a169-1825ad79e942.jpg)
Сапар бағдарламасы аясында меймандар Мемлекеттік әскери-тарихи музейде, ҚР Ұлттық музейінде және елорданың басқа да бірегей нысандарында болды.
![Қазақстан мен Әзербайжан әскери қызметшілері тәжірибе алмасты](/userfiles/images/4d4622cb-6a0f-4a18-a2f5-7a079bd89a3b.jpg)
![Қазақстан мен Әзербайжан әскери қызметшілері тәжірибе алмасты](/userfiles/images/a006e036-7bac-4b6e-bffb-d044d49b8423.jpg)