2023 жылы кибершабуылдардың басым бөлігі геосаяси қақтығыстар жиі болатын аймақтарда тіркелген, деп хабарлайды BAQ.KZ.
РИА Новости сайтының мәліметінше, «Лаборатория Касперского» Таяу Шығыс зерттеу орталығының жетекшісі Амин Хасбини бұл қатарда Қазақстан да бар екенін айтқан.
Сарапшының сөзіне қарағанда, кибершабуыл жиі жасалатын аймақтарға Таяу Шығыс, Азия, Шығыс Еуропа және Солтүстік Африка елдерімен қатар Өзбекстан, Қазақстан, Беларусь және Ресей сияқты ТМД-ның кейбір елдері кірген.
Амин Хасбини кибершабуылдардың ерекшелігі елге байланысты екенін атап өтті. Мысалы, Қазақстан мен Ресей кибершабуылға осал келеді екен, себебі бұл елдердің пайдаланушылары ескірген Windows 7 операциялық жүйесін пайдаланады.
