Нұр-Сұлтан, BAQ.KZ тілшісі. Бүгін елордада Түрік ынтымақтастық және үйлестіру агенттігі (TIKA) «Рамазан бағдарламалары Қазақстан-2022» жобасы аясында қайырымдылық іс-шарасын ұйымдастырды.
Қайырымдылық жобасы аясында TIKA елордадағы әлеуметтік осал топтан шыққан отбасыларға бір айлық азық-түлік қорабын табыстады.
Түрік ынтымақтастық және үйлестіру агенттігінің (TIKA) Қазақстандағы өкілі Хикмет Өзденоглу іс-шараның мақсатына тоқталып өтті.
![Қайырымды Рамазан. TIKA елордалық отбасыларға бір қорап азық-түлік таратты](/userfiles/images/WhatsApp%20Image%202022-04-28%20at%2019_00_01.jpeg)
Түрік ынтымақтастық және үйлестіру агенттігінің әлемнің түкпір-түкпірінде өкілдіктері бар. Осы ретте Қазақстанда болсын, басқа мемлекеттерде болсын Қасиетті Рамазан айында көмекке мұқтаж отбасыларға көмек көрсетеміз. Ол көмектер ауызашар, осындай азық-түлік тарату түрінде өткізіліп жатыр, - деді ол.
Сөзінше, мұндай акция елордадан басқа, Шымкент, Қостанай, Алматы және Түркістан қалаларында да өткізілді.
Ұйымдастырушылардың айтуынша, бұл азық-түлік қораптары түрік бауырларының қазақстандық бауырларға тартқан сыйы.
![Қайырымды Рамазан. TIKA елордалық отбасыларға бір қорап азық-түлік таратты](/userfiles/images/WhatsApp%20Image%202022-04-28%20at%2019_00_00.jpeg)
Қораптардың ішінде бір отбасының бір айлық қажеттілігін өтейтін азық-түлік жиынтығы бар. Бұл іс-шара тек ТІКА-ның ғана емес, сонымен қатар жергілікті атқарушы органдармен бірлесе, ынтымақтаса отырып, ұйымдастырылып отыр. Дәлірек айтқанда, әкімдік, ҚМДБ-ның да тікелей қатысы бар. Қораптың ішінде тұз, ұн, күріш, май, шай және басқа да азық-түліктер бар, - деді Хикмет Өзденоглу.
TIKA-ның Қазақстандағы өкілі қайырымдылыққа таратылған азық-түліктер Қазақстаннан сатып алынғанын жеткізді.
![Қайырымды Рамазан. TIKA елордалық отбасыларға бір қорап азық-түлік таратты](/userfiles/images/WhatsApp%20Image%202022-04-28%20at%2019_00_03%20(1).jpeg)
Азық-түліктер Қазақстаннан сатып алынды. Қайырымдылыққа жұмсалған бағаны Түркияда есептемейді. Сол себепті қайырымды іс-шараның сомасы болмайды. Жалпы 1 250-ден аса отбасыға осындай қораптар таратылды. Сондай-ақ кішкентай балаларға 300 қорап тәттілер сыйға берілді, - деп түсіндіріп өтті Хикмет Өзденоглу.
![Қайырымды Рамазан. TIKA елордалық отбасыларға бір қорап азық-түлік таратты](/userfiles/images/WhatsApp%20Image%202022-04-28%20at%2019_00_01%20(1).jpeg)
Түрік ынтымақтастық және үйлестіру агенттігінің (TIKA) Қазақстандағы өкілі Хикмет Өзденоглуның Қазақстанға келгеніне 2 аптадай уақыт болған.
![Қайырымды Рамазан. TIKA елордалық отбасыларға бір қорап азық-түлік таратты](/userfiles/images/WhatsApp%20Image%202022-04-28%20at%2019_00_04.jpeg)
Оның айтуынша, TIKA Қазақстанда алғашқылардың бірі болып ашылып, 1995 жылдан бастап қызметін атқарып келеді. Сондай-ақ агенттік жобаларды қазақстандық әріптестерімен бірлесіп, жүзеге асырады. Агенттік білім, денсаулық, медиа және басқа да салаларда жобаларды жүзеге асыруды мақсат етеді.
![Қайырымды Рамазан. TIKA елордалық отбасыларға бір қорап азық-түлік таратты](/userfiles/images/WhatsApp%20Image%202022-04-28%20at%2019_00_04%20(1).jpeg)
Сонымен қатар қайырымдылық акциясына қатысқан көпбалалы ана бауырлас түрік халқына алғысын жеткізді.
![Қайырымды Рамазан. TIKA елордалық отбасыларға бір қорап азық-түлік таратты](/userfiles/images/WhatsApp%20Image%202022-04-28%20at%2019_00_02(1).jpeg)
Көпбалалы анамын. ТІКА осындай шараны жиі ұйымдастырады. Мысалы, Рамазан айында, Құрбан айтта осындай азық-түлік қорабын таратады. Жалпы көпбалалы отбасы ретінде әкімдіктің тізіміне енген екенбіз. Әкімдіктегілер біздің байланыс нөмірлерімізді акцияны ұйымдастырушыларға берген . Сөйтіп міне, бүгін біз де акцияға қатысып отырмыз, - дейді 4 баланың анасы Әйгерім Жарытбаева.
Еске сала кетейік, былтыр да дәл осы уақытта ТІКА «Ұлылар дастарханы» жобасы аясында осындай қайырымдылық іс-шарасын өткізді. Агенттік акция аясында 1000-нан астам отбасыға азық-түлік қорабын таратқан болатын.
Сонымен қатар 2021 жылғы 10 маусымда Түрік ынтымақтастық және үйлестіру агенттігі «Жетім күлсе – әлем күледі» жобасы аясында қайырымдылық іс-шарасын ұйымдастырды.