Алматы, BAQ.KZ тілшісі. Мен Қазақстан Президенті Қасым-Жомарт Тоқаевтың Nur Otan партиясының кезектен тыс ХХІІ Съезінде сөйлеген сөзін толық қолдаймын.
Жастарға жол беріп, қолдау көрсетіп, ұрпақтар сабақтастығын сақтау керек, себебі олар жаңа Қазақстанды құрушылар. Олар - біздің болашағымыз.
Бұл туралы «Қазақ онкология және радиология ғылыми-зерттеу институты» АҚ басқарма төрайымы, ҚР ҰҒА академигі Диляра Қайдарова Nur Otan партиясының кезектен тыс ХХІІ Съезіне қатысты пікір білдіру кезінде айтты.
Қазақстанда онкологтардың жетіспеушілігі бар екені белгілі. Әсіресе, кадр тапшылығы ел өңірлерінде сезілуде. Сондықтан, біздің негізгі міндеттеріміздің бірі – жас кадрларды қолдау, оларға даму мен өсу үшін бағыттар беру, өз дағдыларын жетілдіру, өйткені олар біздің лайықты ауысымымызға айналады. Қазақ онкология және радиология ғылыми-зерттеу институтына соңғы жылдары біз көптеген жас дәрігерлерді тартамыз, олармен өз біліміміз мен тәжірибемізбен бөлісеміз. Оларға біздің қолдауымыз және еңбегі еліміздің болашағы үшін өте маңызды деген сенім қажет,-дейді ол.
Оның айтуынша, соңғы бес жыл бойы ҚазОжРҒЗИ-да жас ғалымдар кеңесі жұмыс істеп келеді, оның құрамында белсенді және перспективалы дәрігерлер, PhD-докторанттар, резиденттер бар.
ҚазОжРҒЗИ жас ғалымдар кеңесінің басты міндеті-жас ғалымдарды ғылым мен техниканы дамыту, республиканың ғылыми әлеуетін дамыту мәселелерін шешуге тарту. Онкология, радиология (сәулелік диагностика, сәулелік терапия) және сабақтас пәндер саласында ғылыми-зерттеу және практикалық қызметпен айналысатын, 35 жасқа толмаған ғылыми қызметкерлер, тағылымгер-зерттеушілер, аспиранттар, резиденттер, магистранттар мен докторанттар жас ғалымдар деп танылады,-дейді бас онколог.
Сонымен қатар ол ҚазОжРҒЗИ жас ғалымдар кеңесінің мүшелері салалық конгрестердің жұмысына белсенді қатысып, ірі халықаралық конференцияларда баяндама жасап отыратыныны жеткізді.
