Қарулы күштерде жауынгерлік оқудың жаңа кезеңі басталды

7 Маусым 2022, 09:55
1600
Бөлісу:
Қарулы күштерде жауынгерлік оқудың жаңа кезеңі басталды
PHOTO

Нұр-Сұлтан, BAQ.KZ. Мамандық бойынша дайындық – әскери қызметшілерді оқытудың негізгі кезеңі. Ол бір ай бойы жүргізіледі және жеке құрамның атқаратын лауазымдары көлемінде функционалдық міндеттерін зерделеуге бағытталған.

Бұл туралы Қорғаныс министрлігінің баспасөз қызметі хабарлады.

Қарулы күштерде жауынгерлік оқудың жаңа кезеңі басталды

Осы кезеңде мерзімді қызметтегі әскери қызметшілер штаттық қару-жарақ пен әскери техниканың материалдық бөлігін, оларды пайдалану тәртібін, жауынгерлік машиналарды ату және жүргізу қағидаларын зерделейді. Ал келісімшарт бойынша әскери қызметшілер өз білімдері мен дағдыларын жетілдіреді.

Сабаққа 27 000-нан астам маман тартылған. Оларды сапалы өткізу үшін Қарулы күштерде тиісті әдістемелік даярлығы бар тәжірибелі нұсқаушылардың басшылығымен 2000-нан астам оқу топтары құрылды.

Қарулы күштерде жауынгерлік оқудың жаңа кезеңі басталды

Оқу кезінде орталық орын практикалық сабақтарға арналған. Олар жаттығу құралдарын пайдалана отырып, оқу сыныптарында, сондай-ақ оқу полигондарында ұйымдастырылған.

Бөлімшелерде мамандық бойынша даярлау командирлер мен сержанттардың басшылығымен штаттық-лауазымдық тағайындалуына сәйкес жүргізіледі. 

Қарулы күштерде жауынгерлік оқудың жаңа кезеңі басталды

Оқу аяқталғаннан кейін жеке құрам өткен пәндер бойынша сынақтар мен емтихандар тапсырады. Сабақтар ағымдағы жылдың 8 шілдесіне дейін жалғасады.

Өзгелердің жаңалығы