Қармақшы ауданында құрылыс материалдары шығарылады

30 Маусым 2020, 19:12
1756
Бөлісу:
Қармақшы ауданында құрылыс материалдары шығарылады

Қызылорда облысы, BAQ.KZ тілшісі. Қызылорда облысы Қармақшы ауданына қарасты Жосалы кентінде құрылыс материалдары шығарылады.

"Мир–2001" серіктестігі құрылысқа керек түрлі өнім шығаруды қолға алды. Серіктестік директоры Сейфулла Ажмолдаевтың айтуынша, үш жыл бұрын "Бизнестiң жол каpтасы-2020" бизнестi қолдаy және дамытyдың бiрыңғай бағдарламасының шеңберінде "Халық Банк" АҚ-ның Байқоныр филиалы арқылы 15 миллион тенге шамасында несиеге қол жеткізген. Осы қаржыға өз қалтасынан 30 млн тенге қосады да құрылыс заттарын өндіретін цех ашты.

Қазіргі таңда серіктестігімізге қарасты цехта түрлі бетон бұйымы мен құрылыс құмын шығарып, халыққа жеткізіп отырмыз. Сонымен бірге, Rіmac MascҺіnenund AnІagen GmbН дейтін германиялық автоматтандырылған қондырғысы мен Ресейдің компанияларынан арнайы құрылғыларын алып, тротуарға қолданатын брyсчатка, плитка, бордюрлар, қабыpғаға пайдаланатын материалдар дайындап жатырмыз. Құрылыс материалдарына сұраныс әрдайым болады, – дейді кәсіпкер.

Индустриялық аймақта орналасқан цехтың өнімдеріне көрші аудандардың тұрғындары, мекемелері тапсырыс беруде. Басқа облыстардан да сұрайтындар бар. Кәсіпкер Сейфулла Ажмолдаев өндіріс көлемін кеңейтуді мақсат етіп отыр. Тағы та бірнеше цехты іске қосып, жиырма адамды жұмысқа алғысы келеді. Жаңашылдығымен танылып келе жатқан серіктестікке Қармақшы ауданының кәсіпкерлiк, өнеркәсiп және тyризм бөлiмiнен қолдаy көрсетуде.

Ауданның кәсіпкерлік саласын дамытуда жаңа бастамаларды түсіндірiп, шет елдерде өтетін көрмелерге қатысyға мүмкiндiк жасау жоспарда бар. Бұл аудан кәсіпкерлерінің өнімдерiнe сұранысты арттырyға қолдау болмақ. Осы жылы ауданда "Бизнестiң жол картасы-2020" бизнестi қолдаy және дамытyдың бiрыңғай бағдарламасының аясында 156 млн теңгеге жуық қаржы болатын 10 жобаны қаржыландырy жоспарланып отыр. Соның iшiнде екеyiнің осы "Мир-2001" серіктестігіне қатысты, – дейді бөлім басшысы Еркебұлан Әбдікеров.
Өзгелердің жаңалығы