Қарағандылық оқушыларды футбол ойынына тегін жаттығуға шақырады, деп хабарлайды BAQ.KZ Қарағанды облысының әкімдігінің баспасөз қызметіне сілтеме жасап.
Қарағандыда балалар футбол клубы ұйымдастыратын әлеуметтік жоба қайта жанданды. Жаз бойы Орталық саябақта тегін футбол жаттығулары өтеді.
Жоба қалалық саябақтар мен гүлзарлар басқармасының қолдауымен іске қосылады.
Біз оқушыларға арналған тегін жаттығуларды өткен жылы алғаш рет бастадық, оң пікірлер көп болды. Сондықтан жобаны жыл сайын жүзеге асыру туралы шешім қабылдадық. Біз жаз бойы жаттығамыз - маусым, шілде, тамыз айларында. Аптасына екі рет бір жарым сағаттан. Біз көбіне оқушыларды күтеміз, бірақ қатысамын деушілердің барлығын қуана қарсы аламыз, – дейді Amanat футбол мектебінің басшысы Андрей Миронов.
Ұйымдастырушылар үш команда жинауды жоспарлап отыр. UEFA "D" санатындағы атақты спортшылар мен кәсіби жаттықтырушылар футбол ойнауды үйретеді.
Дарынды балалардың жобада өзін танытуға жақсы мүмкіндігі бар. Содан кейін жас футболшылар кәсіби командаға шақырылады.
Жаттығу орталық саябақта (қайың тоғайы аймағында) футбол алаңында өтеді.
Күндер мен нақты уақыт қосымша хабарланады.
WhatsApp арқылы алдын ала жазылу қажет: +7-775-729-67-03 (қоңырау шалу емес, жазу керек).
