Нұр-Сұлтан, BAQ.KZ. Қарағандыда студентті тонап кеткен адам ұсталды, деп хабарлайды Polisia.kz.
28 ақпанда Қарағанды қаласының ПБ Орталық полиция бөліміне оқу орындарының бірінің 19 жастағы студенті жүгінді.
Жас жігіт өзіне белгісіз біреудің шабуыл жасағанын айтты. Қаскөй оған дене жарақатын салып, одан ақша алып, қашып кеткен. ҚР ҚК 191-бабы (Тонау) бойынша қылмыстық іс қозғалды.
12 сәуірде жедел-іздестіру шаралары барысында криминалдық полиция қызметкерлері 24 жастағы ер адамды анықтап, ұстады. Ол кінәсін толық мойындады. Тергеу амалдары жүргізілуде.
