Қарағанды облысында егін жинау науқаны жалғасуда, жұмыстарға 2095 астық жинау және 76 картоп жинау комбайны, сондай-ақ 90 картоп қазғыш жұмылдырылды, деп хабарлайды BAQ.KZ.
Өңірде егін жинауды 30 қыркүйекте аяқтау жоспарлануда. Биыл дәнді дақылдарды жинау алаңы 993,2 мың гектарды құрайды. Бұл өткен жылғы деңгейден 73 мың гектарға артық. Бұл туралы Өңірлік коммуникациялар қызметі платформасында өткен брифингте Ауыл шаруашылығы басқармасы басшысының орынбасары Сырым Бошпанов айтты.
7 қыркүйектегі жағдай бойынша 202,6 мың гектар бастырылды, орташа өнімділігі гектарына 6,9 центнер болса, 130,6 мың тонна астық бастырылды. Картоп 1909 гектар алқаптан жиналды, 37 мың тонна картоп жиналды. Көкөністер 248 гектар алқаптан жиналды, 7,2 мың тонна көкөніс жиналды, – деді Сырым Бошпанов.
Облыста астықты сақтауға арналған сыйымдылықтар жеткілікті және жалпы көлемі 303 мың тоннадан асатын 113 көкөніс-картоп қоймасы жұмыс істейді.
Егін жинау жұмыстарын жүргізу үшін дизель отынының жеткілікті көлемі бөлінді. Оның бағасы ауыл шаруашылығы тауарын өндірушілер үшін литріне 250 теңгені құрайды, ал жанармай құю бекетінде литріне 295 теңгеден беріледі, деп атап өтті спикер.
