Қаңтарда заңсыз ұрланған қарулар маусымда табылып жатыр

Қаңтарда заңсыз ұрланған қарулар маусымда табылып жатыр
618

Нұр-Сұлтан, BAQ.KZ тілшісі. Бұл туралы ҚР ІІМ Тергеу департаментінің бастығы Санжар Әділов ҚР Президенті жанындағы ОКҚ-да өткен рифингте айтты. 

17 маусымда Алматы қаласында алаңқай жерде 7 граната, оқжатары толық «ИЖ» жарақаттайтын тапаншасы мен оқ-дәрілер жасырылған қаруды заңсыз сақтайтын жер табылған. 21 маусымда Талғар қаласында 130-дан астам оқ-дәрі мен «Калашников» автоматы алынды, - деді Әділов. 

Оның айтуынша, 22 маусымда тағы да Алматы қаласында «Калашников» автоматы,   2 аңшылық мылтық, түтікшелері бар «Ф-1» гранатасы, 40 оқ, 2 броньды кеудеше,   2 радиостанция табылды.  

25 маусымда Тараз қаласында тұрғын массивіне жақын жерде сәйкестендіру нөмірлері жойылған, «Макаров» жүйесінің бәсеңдеткішті тапаншасы, сигналды револьвер пен пневматикалық тапанша, жарық-дыбыс гранатасы мен әртүрлі калибрлі 60 оқ табылды.   26 маусымда Тараз қаласында "Байкал" мылтығы, «Стример» тапаншасы мен әртүрлі калибрлі 32 оқ табылып алынды, - деді ол. 

Әділов атағандай, жүргізілетін түсіндіру жұмысының нәтижесінде азаматтар қарудың 212 бірлігін өз еркімен тапсырды.


Фото: ашық дереккөз