Шерзат ісі бойынша сотта даудың басы басталған Қамажай дүкеніндегі видеолар көрсетілді, деп хабарлайды BAQ.KZ тілшісі.
Видеода Қамажай дүкеніндегі сағат 00:33-ті көрсетеді. Сол сәтте Шерзаттың ағасы Нұрғанат Ғайыпбаев дүкенге келеді. Дүкеннің сыртында тұрған Дархан Әскентай өзінің танысы Нұрболға қоңырау шалып, алып кетуді сұрайды. Сағат 00:42-де Нұрбол Тоқтаубаев дүкенге келеді. Кейін қорғаушы тарап:
Құрметті сот, Қаржаубай Нұрымовтың қолындағы затқа назар салсаңыздар - дейді ол.
Жәбірленуші тараптың адвокаттары Нұрымовтың өзі қолында пышақ болғанын жоққа шығармағанын айтады. Дархан Әскентай Нұрымов пышақты көрсетіп, сермегенін атап өтті.
