ПСЖ Мессиді таныстыру үшін Эйфель мұнарасын жалға алды

ПСЖ Мессиді таныстыру үшін Эйфель мұнарасын жалға алды
VIDEO
2140

Нұр-Сұлтан, BAQ.KZ. Халықаралық БАҚ-тың хабарлауынша, француздық «Пари Сен-Жермен» футбол клубы (ПСЖ) аргентиналық шабуылшы Лионель Мессиді таныстыру үшін Эйфель мұнарасын жалға алған, деп хабарлады Lance.

Бұл туралы алғаш рет El Chiringuito спорт бағдарламасының журналисі Хосе Альварес хабарлады. Футболшыны таныстыру шарасы 10 тамызда өтеді.

Айта кету керек, 2017 жылы ПСЖ сонымен бірге «Барселонадан» француз клубына трансфер жасаған Неймарды таныстыру үшін мұнараны іске қосқан болатын. 





The Guardian журналисі Фабризио Романо Француз клубы 2023 жылдың маусымына дейін жұмыс істейтін Аргентина жұлдызымен келісімшартқа қол қоюға жақын екенін айтты.

Испан газетінің хабарлауынша, ПСЖ Мессиді алғысы келетін жалғыз бәсекеге қабілетті клуб. Ағылшындық «Манчестер Сити» футболшы үшін «күреске» қатысудан бас тартқан.




Айта кетсек, аргентиналық футболшы Лионель Месси испаниялық клуб «Барселонадан» ресми түрде кеткен болатын. «Камп Ноу» стадионында болған баспасөз мәслихатында Лионель Месси көз жасын тыя алмады. 

Лионель Месси «Барселонада» 2000 жылдан бері ойнап келген және 2003 жылдан бері негізгі құрамда өнер көрсеткен. Ол Испания чемпионатында 10 жеңіс, Испания кубогі мен Суперкубогінде 7 реттен, Чемпиондар лигасында 3 рет, Еуропа суперкубогінде және клубтық ӘЧ-де 3 рет чемпион атанған.

Месси «Барселона» сапында алтыншы «Алтын добын» алды. Ол 778 матчта 672 гол соққан команданың үздік сұрмергені және 520 матчта 474 гол соққан испан лигасының үздік сұрмергені ретінде қазірдің өзінде тарихқа есімін жазып үлгерген. Каталониялық клуб сапында 2004 жылдан бері, яғни 17 жасынан бастап ойнап келді.

Бұған дейін Лионель Мессидің «Барселонадан» ресми түрде кеткенін хабарлаған едік

Қысқа да нұсқа. Жазылыңыз telegram - ға

Фото: дереккөз
Өзгелердің жаңалығы