Нұр-Сұлтан, BAQ.KZ. Мемлекет басшысы энергетика министрі Нұрлан Ноғаевты қабылдады. Бұл туралы Ақорданың баспасөз қызметі хабарлады.
Кездесу барысында Қасым-Жомарт Тоқаев Энергетика министрлігінің алдында тұрған мақсат-міндеттерінің маңыздылығы туралы айтып, халықты электр қуатымен, газбен және жылумен қамтамасыз етуге баса көңіл бөлуді тапсырды, - делінген хабарламада.
Сонымен қатар, мұнай-газ және энергетика салаларындағы әлемдік және отандық ірі компаниялармен өзара ықпалдастық орнату мәселесі қарастырылды.
Кездесу қорытындысы бойынша мемлекет басшысы бірқатар нақты тапсырма берді.
