Президент шыршасына 4 мыңнан астам бала қатысты

26 Желтоқсан 2022, 10:40
861
Бөлісу:
Президент шыршасына 4 мыңнан астам бала қатысты
PHOTO

Еліміздің барлық өңірі бойынша Президент шыршасына 4 мыңнан астам бала қатысты. Мерекелік кеш 25 желтоқсанда өтті, деп хабарлайды BAQ.KZ.

Оқу-ағарту министрлігінің баспасөз қызметінің мәлімдеуінше,  әрбір қатысушы Президент шыршасынан бағалы сыйлық немесе 100 мың  теңгелік  сертификат алды.

Президент шыршасына 4 мыңнан астам бала қатысты

Мерекелік іс-шара еліміздің барлық қаласы мен облыс орталығында өтті. Биыл шыршаға 9-13 жас аралығындағы 200 бала  шақырылды.  Еліміз бойынша кешке қатысқандардың жалпы саны 4 мыңнан асты. Олар - оқу үздіктері,  түрлі  конкурстар  мен  олимпиадалардың  жеңімпаздары мен жүлдегерлері, жетім балалар, ата-анасының  қамқорлығынсыз  қалған балалар,  аз қамтылған  және көп балалы  отбасылардан  шыққан балалар, сондай-ақ оқуда, спортта,  шығармашылықта  немесе қоғамдық  өмірде  жетістіктерге   жеткен  дарынды  балалар», - деді Оқу-ағарту министрлігінің Тәрбие жұмысы және қосымша  білім беру басқармасы  басшысының  міндетін атқарушы Аман Сейтов.

Биылғы жаңа жылдық шыршаның тақырыбы – «Қош келдің, Жаңа жыл – жаңа белес, жаңа арман!». 

Өзгелердің жаңалығы