Тоқаев ҚР Президентінің кезектен тыс сайлауын жариялады

9 Сәуір 2019, 13:11
2544
Бөлісу:
Тоқаев ҚР Президентінің кезектен тыс сайлауын жариялады

Нұр-Сұлтан, BAQ.KZ. Мемлекет басшысы Қасым-Жомарт Тоқаев ҚР Президентінің кезектен тыс сайлауын тағайындау туралы Жарлыққа қол қойды. Бұл туралы Ақорданың баспасөз қызметі хабарлады.

Мемлекет басшысы Қасым-Жомарт Тоқаев Қазақстан Республикасы Конституциясының 41-бабының 3-1-тармағына сәйкес Қаулы етті:

1. ҚР Президентінің кезектен тыс сайлауы 2019 жылдың 9 маусымына тағайындалуын; 

2. Қазақстан Республикасының Орталық сайлау комиссиясы кезектен тыс президенттік сайлауды ұйымдастыру мен өткізуді қамтамасыз етсін.

3. Қазақстан Республикасының Үкіметі кезектен тыс президенттік сайлауды ұйымдастырушылық, материалдық-техникалық және қаржылық қамтамасыз ету жөніндегі қажетті шараларды қабылдасын.

4. Облыстардың, Нұр-Сұлтан, Алматы мен Шымкент қалаларының әкімдері сайлау құқығы бар азаматтардың тізімін дер кезінде жасауды және дұрыстығын қамтамасыз етсін, Орталық, аумақтық және учаскелік сайлау комиссияларына кезектен тыс президенттік сайлауды ұйымдастыру мен өткізу мәселелерін шешуде жан-жақты көмек көрсетсін.

5. Осы Жарлық алғашқы ресми жарияланған күнінен бастап қолданысқа енгізіледі.

Айта кетейік, Мемлекет басшысы Қасым-Жомарт Тоқаев бүгінгі Қазақстан халқына үндеуінде 2019 жылғы 9 маусым күні президент сайлауы өтетінін хабарлады.

Өзгелердің жаңалығы