Павлодарда 18 мамырда "ЖЭО-2" жұмысшыларын тасымалдауға арналған автобус трамвай бағанына соғылып, жүргізушісі қаза тапты, деп хабарлайды BAQ.KZ.
Полиция жол апатына жүргізушінің жүрек талмасының ұстауы себеп болуы мүмкін екенін айтады.
Жол апаты Назарбаев-Қазправда көшелерінің қиылысында болған.
Қазправда көшесі мен Назарбаев даңғылының қиылысында автобус жүргізушісі рөлге ие бола алмай, трамвай бағанына соқтығысты. Автобус жүргізушісі жедел жәрдем көлігінде жан тапсырды. Жол апатының алдын-ала себебі - жүрек талмасы. Өзге мән-жайлар анықталуда. Қажетті сараптамалар тағайындалды, - деп хабарлады жергілікті полиция департаменті.
Алматыда 17 мамырда Медеу маңында жол апаты орын алды. Жүргізуші мен жолаушы зардап шекті.
